2025 yilning birinchi choragida 75,3 mingdan ortiq avtomobil sotildi

Toshkent, O‘zbekiston (UzDaily.uz) — 2025 yilning birinchi choragida O‘zbekistonda 75 353 ta avtomobil sotildi, deb xabar bermoqda “O‘zavtosanoat” kompaniyasi.

Bozorda yetakchilikni UzAuto Motors saqlab qolmoqda — kompaniya 40 985 ta avtomobilni sotgan bo‘lib, bu umumiy sotuv hajmining 54,3 foizini tashkil etadi.

Ikkinchi o‘rinda — Khorezm Auto, u 21 274 ta avtomobil sotgan (28,2%), uchinchi o‘rinda esa ADM Jizzakh joylashgan — 8 623 ta mashina (11,4%).

BYD Uzbekistan Factory kompaniyasi 4 045 ta avtomobil (5,4%) sotgan bo‘lsa, Asaka Motors, SamAuto va Jizzakh Auto mos ravishda 316 (0,4%), 84 (0,1%) va 25 (0,03%) ta avtomobil sotgan.

Brendlar bo‘yicha eng ko‘p sotilgani — Chevrolet: 62 260 ta avtomobil. Keyingi o‘rinlarda KIA (5 431), BYD (4 045), Chery (1 782), Haval (1 410), Hyundai (211), Isuzu D-Max (84) va Wuling (31).

Birinchi chorakning eng ommabop modeli Chevrolet Cobalt bo‘ldi — 29 017 nusxada sotilgan.

Ikkinchi o‘rinda Chevrolet Damas — 15 424 ta sotuv, uchinchi o‘rinda Chevrolet Tracker (7 152).

Top-10 talikka shuningdek quyidagi modellar kiradi: Chevrolet Labo (5 851), Chevrolet Onix (4 055), KIA Sonet (3 922), BYD Song Plus Champion DMI (1 438), BYD Chazor (927), BYD Song Plus DMI (802) va Chery Tiggo 7 Pro (730).