Geologiya vaziri investitsiyalarni muhokama qilish uchun ADQ vakili bilan uchrashdi

Toshkent, O‘zbekiston (UzDaily.uz) — 2025-yil 14-mart kuni Tog‘-kon sanoati va geologiya vaziri B. Islamov ADQ kompaniyasi (BAA) katta ijrochi direktori Roderik Maters bilan uchrashuv o‘tkazdi.

Uchrashuvda O‘zbekistonda so‘nggi yillarda tog‘-kon sanoati va geologiya sohasiga qaratilayotgan e’tibor, sohadagi o‘zgarishlar, “Yer qa’ri to‘g‘risidagi” yangi tahrirdagi qonun, investorlarga yaratilayotgan shart-sharoitlar haqida so‘z yuritildi.

Shuningdek, sanoat uchun muhim minerallarga istiqbolli maydonlarni hamkorlikda o‘zlashtirish, sohaga investitsiyalarni jalb qilish masalalari muhokama qilindi.