Mirziyoyev kuchli zilziladan so‘ng Afg‘onistonga taʼziya izhor etdi

Toshkent, O‘zbekiston (UzDaily.uz) — O‘zbekiston Prezidenti Shavkat Mirziyoyev Afg‘oniston rahbariyatiga Kunar va Nangarhor viloyatlarida sodir bo‘lgan kuchli zilzila oqibatida ko‘plab qurbonlar va jabrlanuvchilar munosabati bilan taʼziya bildirdi.

“Tolibon” harakati hukumati maʼlumotlariga ko‘ra, magnitudasi 6,0 bo‘lgan silkinshlar natijasida 800 nafardan ortiq kishi halok bo‘lgan, taxminan 2800 nafar odam jarohat olgan.

Afg‘oniston Sog‘liqni saqlash vazirligi jabrlanuvchilar soni sezilarli darajada oshishi mumkinligini ogohlantirmoqda.

Ayniqsa, zilzila epitsentri joylashgan Kunar viloyati qattiq zarar ko‘rgan. Mobil aloqa uzilishlari va tabiiy ofatdan jiddiy zararlangan ayrim hududlarga kirish cheklangani sababli halok bo‘lgan va jarohat olganlar haqida aniq maʼlumotlar hozircha mavjud emas.

Reuters agentligi qayd etishicha, qutqaruv xizmatlari qurbonlar soni o‘nlab kishiga yetgan bo‘lishi mumkin bo‘lgan olis qishloqlarga yetib borishga urinmoqda.