O‘zbekiston 10 oyda 6,62 milliard dollarlik oltin eksport qildi

Toshkent, O‘zbekiston (UzDaily.uz) — 2024 yil yanvar-oktyabr oylari mobaynida O‘zbekiston jami 6,62 milliard dollarlik oltin eksport qilgan, deb xabar beradi Statistika agentligi.

Ushbu ko‘rsatkich 2023 yilning shu davriga nisbatan 3,5% ga kamaygan.

Oltinning umumiy eksport tarkibidagi ulushi 29,5% ni tashkil qildi, bu o‘tgan yilga qaraganda 33,6% past.

Shuningdek, O‘zbekistonning umumiy tashqi savdo aylanmasi 2024 yilning 10 oyida 54,4 milliard dollarni tashkil etdi, bu 2023 yilning shu davriga nisbatan 6,7% yoki 3,4 milliard dollarga ko‘pdir.

Tashqi savdo aylanmasida eksport hajmi 22,44 milliard dollarga yetdi (o‘sish 9,6%), import esa 31,92 milliard dollarni tashkil etdi (o‘sish 4,7%).

Natijada tashqi savdo balansi manfiy bo‘lib, 9,48 milliard dollarni tashkil qildi.