O‘zbekiston Falastin ustidan irodali g‘alaba qozondi

Toshkent, O‘zbekiston (UzDaily.uz) — O‘zbekiston yoshlar terma jamoasi (U23) futbol bo‘yicha Osiyo chempionati saralash bosqichida Falastin jamoasi ustidan muhim g‘alabaga erishdi.

E guruhi bahslari Bishkek shahrida o‘tkazilmoqda. Uchinchi turda O‘zbekiston terma jamoasi raqibni 2:1 hisobida mag‘lub etdi. 25-daqiqada Behruzbek Askarov hisobni ochdi, ammo 70-daqiqada Muhammad Sandouka hisobni tenglashtirdi. 85-daqiqada Rustam Turdimurodov tomonidan urilgan gol hal qiluvchi bo‘lib, O‘zbekistonga g‘alaba keltirdi.

Uch o‘yindan so‘ng jamoa 7 ochko to‘plab, guruhda birinchi o‘rinni egallab turibdi. Oxirgi turda Qirg‘iziston Shri-Lanka ustidan kamida besh gollik farq bilan g‘alaba qozonishi zarur, shundagina guruhda birinchi o‘ringa chiqishi mumkin bo‘ladi.

Taʼkidlash joizki, Osiyo chempionatiga guruhda birinchi o‘rinni egallagan jamoa to‘g‘ridan-to‘g‘ri yo‘llanma oladi, ikkinchi o‘rinda qolgan jamoa esa final bosqichiga chiqish imkoniyatini saqlab qoladi.