Toshkent, O‘zbekiston (UzDaily.uz) — Yanvardan aprel oyigacha bo‘lgan davrda O‘zbekistonda 106,8 mingta yengil avtomobil sotildi. Bu haqda “O‘zavtosanoat” kompaniyasi maʼlum qildi.

Eng ko‘p savdo hajmi UzAuto Motors hissasiga to‘g‘ri keldi — to‘rt oyda 59 427 avtomobil sotildi, bu umumiy savdoning 55,6%ini tashkil etadi. Ikkinchi o‘rinda UzAuto Motors tarkibiga kiruvchi Khorezm Auto joylashgan: 28 789 avtomobil, yoki bozorning 26,9%.

ADM Jizzakh — 12 120 avtomobil (11,3%), BYD Uzbekistan Factory — 5 953 (5,6%), Asaka Motors — 397 (0,4%), SamAuto — 124 (0,1%), Jizzakh Auto — 31 avtomobil (0,03%).

Brendlar kesimida yetakchilikni Chevrolet saqlab qolgan — 88 216 avtomobil sotilgan. Undan keyingi o‘rinlarda: KIA (7 360), BYD (5 953), Chery (2 633), Haval (2 127), Hyundai (274), Isuzu D-Max (124) va Wuling (77).

Modellar orasida mutlaq yetakchi — Chevrolet Cobalt: yil boshidan beri 42 504 dona sotilgan. Ikkinchi o‘rinda — Chevrolet Damas (19 151), uchinchi o‘rinda — Chevrolet Tracker (10 366).

Eng ommabop o‘ntalikka quyidagi modellar ham kiradi: Chevrolet Labo (9 638), Chevrolet Onix (5 671), KIA Sonet (5 231), BYD Song Plus Champion DMI (1 988), BYD Chazor (1 293), BYD Song Plus DMI (1 129) va Chery Tiggo 7 Pro (987).