Toshkent, O‘zbekiston (UzDaily.uz) — 2025 yil yanvar–iyul oylarida O‘zbekistonga sayyohlik maqsadida 2,9 million xorijiy ayol tashrif buyurgani haqida Milliy statistika qo‘mitasi xabar berdi.

Xorijiy sayyohlarning umumiy sonida ayollar ulushi 45,5 foizga teng bo‘ldi.

O‘tgan yilning shu davriga nisbatan sayyoh ayollar soni 696,7 ming nafarga yoki 31,9 foizga ko‘paydi.

Eng katta sayyohlar oqimi qo‘shni mamlakatlar hisobiga to‘g‘ri keldi. Xususan, Qirg‘izistondan 959,1 ming nafar (umumiy miqdorning 33,3 foizi), Qozog‘istondan 781,7 ming (27,2 foiz), Tojikistondan esa 595,5 ming nafar (20,7 foiz) ayol kelgan.

Rossiya Federatsiyasidan 246 ming (8,5 foiz) sayyoh ayol tashrif buyurgan bo‘lsa, boshqa davlatlardan 295,3 ming (10,3 foiz) ayol kirib kelgan.