Toshkent, O‘zbekiston (UzDaily.uz) — "Sirdaryoda biznes qiling!" xalqaro investitsion forumi doirasida Sirdaryo viloyati hokimi vazifasini bajaruvchi Erkinjon Turdimov Tojikiston Respublikasining O‘zbekistondagi Favqulodda va Muxtor Elchisi Abdujabbor Aziz Rahmonzoda boshchiligidagi delegatsiya bilan uchrashuv o‘tkazdi.

Uchrashuv chog‘ida ikki qardosh xalq o‘rtasidagi do‘stlik va birodarlik rishtalari, strategik sheriklik aloqalari hamda investitsiyaviy hamkorlik istiqbollari haqida fikr almashildi.

Muloqot samimiy va do‘stona ruhda o‘tdi. Tomonlar qishloq va suv xo‘jaligi, qayta ishlash sanoati, turizm hamda madaniy-gumanitar yo‘nalishlardagi hamkorlik imkoniyatlarini kengaytirishga kelishib oldilar.