Toshkent, O‘zbekiston (UzDaily.uz) — 2013 yildagi tashkil topganidan beri ilk marta Telegram messenjeri 2024 yilni $540 million foyda bilan yakunladi. Bu 2023 yildagi $173 millionlik zarardan so‘ng kompaniya hayotidagi muhim burilish nuqtasi bo‘ldi.

Kompaniya daromadi to‘rt barobardan ko‘proq o‘sib, 2023 yildagi $342 milliondan 2024 yilda $1,4 milliardga yetdi.

Daromad manbalari: obunalar, reklama va kriptovalyutalar

Telegram‘ning 2024 yildagi moliyaviy muvaffaqiyatiga bir nechta omillar hissa qo‘shdi:

Telegram Premium platnaya versiyasiga obunachilar soni uch barobar oshib, 12 milliondan oshdi. Har bir foydalanuvchi oyiga taxminan $5 to‘laydi.

Reklama daromadlari ham keskin o‘sdi. Bu, jumladan, Samsung kabi yirik brendlar bilan hamkorlik tufayli amalga oshdi.

Kriptovalyuta sohasidagi faollik: 2024 yilda Telegram Toncoin va boshqa raqamli aktivlarni yuzlab million dollarlik miqdorda sotdi. Bu kompaniyaning moliyaviy barqarorligiga salmoqli taʼsir ko‘rsatdi.

Pavel Durovning yuridik muammolari

Moliyaviy yutuqlarga qaramasdan, Telegram 2024 yilda jiddiy yuridik muammolarga duch keldi.

2024 yil avgust oyida kompaniya asoschisi va bosh direktori Pavel Durov Fransiyada platformada noqonuniy kontent — giyohvand moddalar tarqatilishi va terrorizm targ‘iboti — ustidan yetarli nazorat o‘rnatilmagani sababli qo‘lga olindi.

Arestdan so‘ng Durov €6 millionlik kafolat asosida ozod etildi, ammo unga Fransiyani tark etish taʼqiqlangan va u haftasiga ikki marta politsiyada ro‘yxatdan o‘tishi shart.

Kompaniyaning kelajagiga taʼsiri

Durovning huquqiy muammolari Telegram‘ning 2026 yilga mo‘ljallangan IPO (birjaga chiqish) rejalari yuzasidan sarmoyadorlar o‘rtasida xavotir uyg‘otdi.

Ayrim investorlar kompaniyaning anik boshqaruv tuzilmasi yo‘qligi va bir shaxsga qattiq bog‘liqligi sababli uning barqarorligiga shubha bilan qaramoqda.

Shu bilan birga, Telegram o‘z servislarini rivojlantirishda davom etmoqda. Xususan:

Sunʼiy intellekt integratsiyasi,

Kontentdan daromad olish imkoniyatlarini kengaytirish,

Kontentni moderatsiya qilish tizimini takomillashtirish ishlari olib borilmoqda.

Bu islohotlar platformaning qonuniy talablarga mos kelishi va foydalanuvchilar ishonchini saqlab qolish maqsadida amalga oshirilmoqda.