Toshkent — Samarqand yo‘nalishida qo‘shimcha Afrosiyob qatnovlari yo‘lga qo‘yiladi

Toshkent, O‘zbekiston (UzDaily.uz) — 2024-yil 15-dekabrdan boshlab Samarqand — Toshkent — Samarqand yo‘nalishi bo‘yicha Afrosiyob yuqori tezlikdagi elektropoyezdining qo‘shimcha qatnovlari amalga oshiriladi.

Qo‘shimcha qatnovlar 2024-yilning 15-dekabridan 31-dekabrigacha hamda 2025-yilning 3-yanvaridan 12-yanvarigacha juma, shanba va yakshanba kunlari bajariladi.

Poyezd quyidagi jadvalga muvofiq harakat qiladi:

Reys №775 Samarqand — Toshkent: Samarqanddan jo‘nash — soat 10:55, Toshkentga yetib kelish — soat 13:15.

Reys №776 Toshkent — Samarqand: Toshkentdan jo‘nash — soat 13:56, Samarqandga yetib kelish — soat 16:14.