2025 йилнинг саккиз ойида Ўзбекистонга деярли 29 минг электромобиль олиб кирилди

Тошкент, Ўзбекистон (UzDaily.uz) — 2025 йилнинг дастлабки саккиз ойи давомида Ўзбекистонга умумий қиймати 640,7 миллион долларга тенг бўлган 42 минг 230 та енгил автомобил импорт қилинди, дея хабар бермоқда Божхона қўмитасининг статистик маълумотлари.

Бу кўрсаткич ўтган йилнинг шу даври билан таққослаганда пастроқ: 2024 йилда 47 минг 928 та машина 914,7 миллион долларлик қийматда киритилган эди.

Айниқса, электромобиллар импортидаги ўсиш эътиборга сазовор. 2025 йил январь–август ойларида мамлакатга 28 минг 948 та электромобиль олиб кирилди. Бу 2024 йилги кўрсаткичдан (12 минг 907 та) икки баробардан ҳам кўпдир. Молиявий харажатлар ҳажми ҳам сезиларли ошди: ўтган йилги 166,7 миллион долларга нисбатан жорий йилда 358,9 миллион долларга етди.

Бутунлай бошқача тенденция бензинли ва гибрид двигателли машиналар сегментида кузатилди. Ҳисобот даврида 11 минг 166 та бензинли автомобиль 233,6 миллион доллар қийматда олиб кирилди. 2024 йилда эса бу кўрсаткич деярли икки баробар кўп — 24 минг 995 та автомобиль 541,1 миллион доллар қийматда бўлган.

Гибрид автомобиллар импорти ҳам кескин қисқарди: ўтган йили 10 минг 17 та машина 192,8 миллион долларлик бўлган бўлса, жорий йилда бор-йўғи 2 минг 25 та гибрид 46,1 миллион доллар қийматда киритилди.

Шу билан бирга, дизелли автомобиллар импорти аксинча маълум даражада ўсиш қайд этди. Агар ўтган йили бор-йўғи 9 та дизелли машина киритилган бўлса, жорий йилда 91 та автомобиль 2,1 миллион долларлик қийматда олиб кирилди.