Тошкент, Ўзбекистон (UzDaily.uz) — 2025 йил 27 апрель куни Тошкентда 4 на 4 форматда ўтказиладиган энг йирик халқаро кўча футбол мусобақаси — Red Bull Four 2 Score миллий финали бўлиб ўтди.

Жамоалар дарвозабонларсиз, кичик майдонда ва ўзига хос гол ҳисоблаш тизими бўйича ўйнашди. Миллий чемпион унвонига POSITIVE TM жамоаси сазовор бўлди. Энди улар шу йил сентябрь ойида Австрияда бўлиб ўтадиган жаҳон финалида Ўзбекистон шарафини ҳимоя қилади.

Red Bull Four 2 Score — бу 4 на 4 форматдаги мини-футбол турнири бўлиб, ўйинлар 10 дақиқа давом этади, танаффус ва дарвозабонларсиз. Мусобақанинг энг ўзига хос жиҳати — голларни ҳисоблаш тизими: ўйиннинг илк ва сўнгги 60 сониясида уритилган голлар жамоага 2 очкодан олиб келади.

Бу йил чемпионат 25 дан ортиқ давлатда ўтказилмоқда. Миллий чемпионлар ўз мамлакатини сентябрь ойида Австриянинг Зальцбург шаҳрида бўлиб ўтадиган жаҳон финалида тақдим этади. Ўзбекистонда ғалабага POSITIVE TM жамоаси эришди — улар мусобақа бошиданоқ асосий фаворитлардан бири ҳисобланарди. Финал учрашувида улар машҳур YouToo1 жамоасини 3:0 ҳисобида йирик тарзда мағлуб этди.

Энг яхши жамоа номини қўлга киритиш учун жами 63 жамоа беллашди. Турнир Тошкент шаҳридаги Юнусобод спорт мажмуасида ташкил этилди. Энди ғолиб жамоа Red Bull Four 2 Score жаҳон финалида Ўзбекистон шарафини ҳимоя қилади.

«Эмоциялар аъло даражада! Жуда хурсандмиз. Финалдан ташқари, “PROGRESS” жамоасига қарши ўйин жуда маънавий оғир кечди», — дейди POSITIVE TM жамоаси аъзоси, 25 ёшли Руслан Веклик. — «Бугун чемпионликка эришдик, эндиликда жаҳон финалида байроғимизни фахр билан ҳимоя қиламиз!»

Red Bull Four 2 Score турли даражадаги футболчилар учун қизиқарли ва драматик мусобақада иштирок этиш имконини беради. Зальцбургдаги жаҳон финалида бутун дунёдан келган энг яхши жамоалар Red Bull Зальцбург клубининг уй аренасида тўқнаш келади.