Тошкент, Ўзбекистон (UzDaily.uz) — 2025 йил 15 май ҳолатига кўра, Америка доллари 12 983 сўмни ташкил этмоқда. Шу тарзда, сўм бир ҳафта ичида 0,72% га қадрсизланди. Ундан аввалги ҳафтада сўмнинг пасайиши 0,32% ни ташкил этган эди. Бундай динамика эътиборга лойиқ.

Бу ҳолат шундан ҳам ғайриоддийки, сўмнинг энг яқин "таянчи" бўлган Россия рубли сўнгги икки йил ичидаги энг юқори даражагача мустаҳкамланди. Оддийда сўм ва рубль ўртасида корреляция мавжуд, аммо ҳозирги пайтда бу боғлиқлик "узилди" ва сўмнинг фойдасига ишлаётгани йўқ.

Шу билан бирга, апрель ойи якунларига кўра, Ўзбекистоннинг олтин-валюта захиралари $1,4 миллиардга ошиб, $49,25 миллиардга етди. Валюта захиралари ҳажми $10,4 миллиарддан $11,0 миллиардгача ўсди. Бу ижобий кўрсаткичлардир. Бу ўсиш асосан апрель ойида олтин нархининг деярли 6% га ошиши ҳисобига юзага келган.

Ўзбекистон Марказий банкининг таъкидлашича, 2026 йилдан инфляция ўсиш суръати секинлашади. Ҳозирда йиллик истеъмол нархлари индекси 10% дан юқори, бу асосан энергетика соҳасидаги нархларни либераллаштириш ислоҳотлари туфайли юзага келган. Марказий банк фикрига кўра, 2025 йил инфляция нуқтаи назаридан энг оғир ва сўнгги йил бўлади.

Расмий прогнозга кўра, 2025 йил охиригача инфляция 8% гача пасайиши, 2026 йилда эса 6% бўлиши кутилмоқда.

Инфляцион босимнинг пасайиши сўм курсининг барқарорлашувига ёрдам бериши мумкин.

Келаси ҳафтада доллар/сўм жуфти 12 880 — 13 020 сўм оралиғида ҳаракат қилиши кутилмоқда.

Анна Бодрова, “Alpari” таҳлилчиси