Энг сўнгги янгиликлардан хабардор бўлинг
Телеграм каналимизга обуна бўлинг
Тошкент, Ўзбекистон (UzDaily.uz) -- 22-24 февраль кунлари Венгрияда юнон-рум кураши бўйича Гран-При турнири бўлиб ўтди. Ушбу рейтинг мусобақасида жаҳоннинг турли мамлакатларидан полвонлар совринли ўринлар учун кураш олиб бордилар.
Қувонарлиси, баҳсларда иштирок этган ўзбекистонлик спортчиларнинг уч нафари шоҳсупага кўтарилди. -55 кг вазн тоифасида юртимиз шарафини ҳимоя қилган Илҳом Баҳромов олтин медалга сазовор бўлган бўлса, мазкур вазндаги бошқа спортчимиз Жавоҳир Мираҳмедов бронза медалига эга чиқди. -60 кг вазнли спортчимиз Феруз Тўхтаев финалгача етиб борди ва кумуш медаль соҳибига айланди.
Ушбу иштирок орқали юнон-рум курашчиларимиз Токио Олимпиадаси лицензияси учун қимматли бўлган рейтинг очколарини ишлаб олишди.
Манба: Ўзбекистон миллий олимпия қўмитаси.