Farg‘ona viloyati Yaponiya kompaniyalari bilan investitsiyalarni muhokama qildi

Toshkent, O‘zbekiston (UzDaily.uz) — Yaponiyada xizmat safarida bo‘lib turgan viloyat hokimi Xayrullo Bozorov “Toyo Engineering Corporation” kompaniyasi direktori Xividiko Ishadari bilan muloqotda hamkorlik istiqbollari borasida so‘z yuritildi.

Uchrashuvda kompaniyaning ilg‘or tajribalari asosida neft-gaz sanoat yo‘nalishida investitsiya loyihalarini amalga oshirish takliflari ko‘rib chiqildi.

Maʼlumot uchun: Yaponiyaning yirik kompaniyasi bosh ofisi Tiba prefekturasi Narashino shahrida joylashgan bo‘lib, hozirgi kunda dunyo bo‘ylab neft-gaz, neft-kimyo, kimyo, energetika, o‘g‘itlar va infratuzilma sohalarida yirik sanoat loyihalarini amalga oshirib kelmoqda.

Kompaniyaning asosiy faoliyati muhandislik xizmatlari, sanoat obyektlarini loyihalash, qurish va ishga tushirishdan iborat.